Пра сёе-тое

Юра Дземідовіч буйным планам! Запісы з камераў БТ, якія не ўвайшлі ў афіцыйную трансляцыю. Маеце магчымасць падрабязней разглядзей твар узыходзячай зоркі беларускага псіхадэла :)

Ігар Фамін, дырэктар дэпартамента цэнавай палітыкі мінэканомікі на прэс-канферэнцыі ў сераду сказаў: "У нармальных умовах летам, дзесці ў жніўні, за кошт таго, што адбываецца зніжэнне цэн на гародніну, магчымая дэфляцыя".

Перафразуючы вядомы анекдот: "Якая краіна, такая і эканоміка" :)

P.S. Толькі па планах урада за год інфляцыя можа быць у раёне 11%. Разумныя калегі кажуць, што рэальна будзе дзесці 25%. А тут дэфляцыя ў іх, ага.

З нахабствам расейцаў на нашых дарогах сутыкаўся часта, але тое, што адбылося з Міколам Халезіным - гэта ўжо занадта.

http://kilgor-trautt.livejournal.com/236563.html

Сёньня шаноўны фрэнд vadim_i_z напісаў, што вось гэты (http://naviny.by/rubrics/society/2009/03/31/ic_articles_116_161932/) артыкул на "Беларускіх Навінах" пакуль самы ўцямны на тэму. У артыкуле вядзецца, што адключэнне рас.каналаў зьвязана з тым, што яны не заключылі там нейкія дамовы на распаўсюд.

Ню-ню.

Зараз на АНТ ідзе сюжэт і там чыноўнікі разам з кіраўнікамі кампаній-аператараў тлумачаць адключэньне тым, што праграмы гэтых каналаў дублявалі праграмы беларускіх каналаў.

А калі ўчора гавораць адно, а сёньня іншае, то справа ясная - шукай палітыку :)

Кот цэлы дзень адмаўляецца ад сваёй звыклай ежы. Але толькі варта было даць яму пару кавалкаў сыру "Камэмбэрт" - усё сажраў. Вось такі ён у нас - характар нармандзкі :)

Хто-небудзь можа мне патлумачыць, як настроіць вай-фай з доступам у інтэрнэт (у нас ADSL.BY) праз рутэр ASUS WL-530gV2? У мяне рукі не пад гэта заточаныя...

Аверкаў у "Контурах" на ОНТ цытуе "Эўрарадыё"...

У нас дома была вельмі смачная вада з-пад крана. Была! Пакуль два тыдні таму мы не паставілі лічыльнікі. Зараз вада мае ўстойлівыя пах і смак жалеза. Вось такая вось эканомія :(

 Неяк няёмка атрымліваецца, 25 галасоў беларусаў не хапае ў падтрымку Ўкраіны. Галасуем тут - http://www.ukraine-vs-russia.com

ЗЫ: На тут.баі ў галасавалцы большасьць у канфлікце Ізраіль-Палестына падтрымлівае Ізраіль. То мы што, украінцаў не падтрымаем?

Можа вы параіце якую якасную аўташколу? І колькі зараз каштуе абвучэньне? "Атлант-М" не прапаноўваць: далёка ад дому і там чэргі :)

Парайце, калі ласка, а то шкада часу на чытаньне й аналізаваньне тэматычных форумаў.

 Учора праглядзеў навагодні праект "Белсата"lvolski  "Сьнежны Завулак, 9". Натуральна, сфармавалася суб'ектыўная ацэнка.

Плюсы:
- Значна лепшая, чым летась сцэнаграфія. Адчувалася рука сп.Сабурава.
- Добрыя здымкі выступаў.
- Публіка, якая дапаўняла, а не замінала
- Цікавыя і часам нечаканыя навагоднія віншаваньні між песьнямі. Асабліва спадабаўся баксёр.
- Нечаканыя дуэты
- Цалкам пасьпяховы адыход ад неапраўданай "альтэрнатыўнасьці" - удзел артыстаў ды музыкаў розных накірункаў значна палепшыў праект.

Мінусы:
- Несфармуляванасць ідэі фільма. У навагоднюю ноч паспаліты беларус ня мусіць шукаць схаваныя сэнсы ды паралелі, ён кушае салат Аліўе. Ідэя "праект пад 60-я" згубілася зусім.
- Прымітыўнасць сюжэта. Дзьве сюжэтныя часткі абсалюітна не зьвязаныя між сабою - тут сямейства за сталом бухае, а там глямур на сцэне. Рэжысэрская недапрацоўка.
-  Людзі граюць не свае ролі. Нагадаю, гэта не прафэсыйная крытыка, а маё ўласнае суб'ектыўнае меркаваньне. Дык вось, мне гэтыя закосы пад калгас, Сьцяпанаўна і Маргарыта Сьцяпанаўна неяк абрыдлі ўжо. Ну не ідзе Вольскаму роля бабулі, а Ганне - гарадзкой цёткі! Ну ідзе і ўсё! Гэта сьмешна ў першыя 30 сэкунд, а потым плакаць хочацца.
- Аднатыповасьць песьняў. Адчувалася моцная рука lvolski , які ня ўмее пісаць "для кагосьці", а піша выключна пад сябе, не зважаючы на асаблівасьць таго ці іншага артыста. Варта было б сюды якога Кубышкіна паклікаць ці іншага кампазытара, які здольны пісаць на замову. Карацей, "крамбамбульшчына" нейкая выйшла.
- Дуэты не глядзеліся дуэтамі. Збольшага сьпевакі пяялі хорам. У песьнях Вольскі-Пугач, Хаменка-Пытлева, Вольскі-Булатнікаў etc. хачелася б пачуць сольныя партыі кожнага артыста, а не іх харавыя здольнасьці.
- Ну і хацелася б, каб гэты фільм быў троху даўжэйшым :) Каб глядець да і пасьля 24 гадзін у навагоднюю ноч. Але гэта, безумоўна, пытаньне фінансаваньня.

Карацей, глядзець можна. Але толькі абазнаным людзям. Мае бацькі, дакладна, пераключылі б на іншы канал, калі б засьпелі гэты фільм сьвяточную ноч.

У час калясальнага фінансавага крызісу нашая сям'я ўкладае кроўныя грошы ў самае каштоўнае, што ў нас ёсьць - у беларускі дыз!

Гладзь, блядзь!

 Гэта толькі нам з Аленкай не шансуе, ці шмат хто з вас таксама ня могуць падняцца з ложка і змагаецца з саплямі, кашлям ды тэмпэратурай?

 Ляпісаўскі "Маніфэст" ужо дасяжны. Не давялося заўтра чакаць :)

http://www.afisha.ru/article/lt_afisha/

Пампуйце, усё легальна :)

 Ну чаму такая несправядлівасьць? 25 верасьня, калі новы альбом "Ляпісаў" зьявіцца для вольнага спампоўваньня, мяне амаль увесь дзень ня будзе каля кампутара!

Можна было, канешне, ужо пару дзён таму яго "запіраціць", але я хачу, "як усе" :)

Радыё "Рацыя" пачало інтэрнэт-вяшчаньне ў фармаце aacplus. Гэтая тэхналёгія дазваляе слухаць радыё празь сеціва зь мінімальнай нагрузкай на трафік.

Нарэшце скончыліся перамовы аб прадастаўленьні візаў для гледачоў фэста «Басовішча-2008». Вырашана: дапамога будзе. Для таго, каб зарэгістравацца на атрыманьне візы ёсьць ня так шмат часу – да панядзелка 7 ліпеня кожны ахвочы павінен даслаць на e-mail свае пашпартныя звесткі і ўдакладняючыя дадзеныя.

Усе падрабязнасьці тут

Наконт "Басовішча". А дакладней, пра конкурс на гэтым фэстывалі.

Колькі год таму з конкурса на "Басовішчы" паспрабавалі зрабіць "Эўравізію". Скажу шчыра, да гэтага спрычыніўся і я, лічыў гэта слушным. Цяпер пераканаўся ў адваротным. Конкурс на "Басовішчы" - гэта конкурс не прафэсыйных, а аматарскіх калектываў, якія проста па вызначэньні ня могуць быць цікавыя шырокай публіцы. Разынка гэтага конкурсу - у якаснай працы журы, якое можа сярод шэрагу аматарскіх камандаў выбраць тыя, што змогуць потым выбухнуць. Трэба заўважыць пэрліну і даць ёсьць шанец расьці. Калісьці, напрыклад, Indiga адабралі на конкурс на рэпэтэцыйным запісе на дыктафон. Ці не Корань з Памідоравым змаглі тады пачуць патэнцыял у нікому не вядомым гурце?

На жаль, конкурсы апошніх двух год не далі беларускай музыцы новых яскравых калектываў. Можна гэта тлумачыць агульным крызісам нашых музыкаў, а можна - непрафэсыйнай працай журы. Дзе зараз S.D.M., Parason, "Фляўс і Кляйн"? Так, апошнія гастралюць ды граюць, але прагрэсу я не заўважыў...

Гэта значыць, што прынцып "Эўрабачаньня" на "Басовішчы" не прыжыўся. Ды й ня мог прыжыцца. Бо ня той гэта конкурс. У яго іншая мэта: знайсьці, а не павесяліць.

Карацей, мне хапіла двух год працы з заяўкамі на конкурс "Басовішча", каб пераканцца ў тым, што гурты мусіць адбіраць вузкае кола адмыслоўцаў, якія здолеюць абраць сапраўды вартыя калектывы. І пляваць на тое, што абвінавацяць у суб'ектыўнасьці. Так, гэта суб'ектыўнасьць!
Сёлета мы імкнуліся стварыць такое журы. Амаль атрымалася.

Ну ўсё, адмаўчалі.